Зачленете се во нашиот клуб на читатели и најновите текстови ќе ги добивате на вашата мејл адреса
Модната ревија „Современата мода инспирирана од модните трендови на 50, 60 и 70-те години на 20 век“ во организација на Кумановскиот музеј, синоќа се одржа во Центарот за култура „Трајко Прокопиев„.
Кумановци имаа несекојдневна можност да се потсетат на градската мода од трите децении од втората половина на минатиот век, и да ја видат современата колекција „Славна птица“ на дизајнерите Александар Рашковиќ и Филип Митевски, инспирирана од 50 и 60-те години на минатиот век.
Авторот на проектот, Анита Ѓорѓиевска виш кустос, етнолог во кумановскиот музеј, изјави дека во во 50,60 и 70-те години модата се менувала согласно економските прилики во дадените децении.
Успешно ја прикажавме модата и трендовите од 50,60 и 70-те години на 20 век, кои биле карактеристчни за градот Куманово. Публиката имаше можност да ги види модните стилови присутни во градот и за миг се вративме во едно подзаборавено време, но сепак останато во сеќавањата на градските семејства,- изјави Ѓорѓиевска.
Проектот е поддржан од Министерството за култура на Република Македонија, а е продолжение на ревијата Од Ала Франга до современо време„.
Зачленете се во нашиот клуб на читатели и најновите текстови ќе ги добивате на вашата мејл адреса
