21. 12. 2009 00:00

Кире Лазаров спортист на годината

Кире Лазаров спортист на годината

Капитенот на ракометната репрезентација на Македонија Кире Лазаров е прогласен за спортист на годината и за најуспешен спортист во странство на манифестацијата Спортски оскар 2009, што синоќа се одржа во салата Борис Трајковски во Скопје.

Лазаров до признанијата стигна по освојување на 11-то место на Светското првенство и победата во категоријата најдобар стрелец во историјата на Светските првенства со 92 гола и одличните настапи во дресот на Кроација Осигурање во Лигата на шампионите. Конкуренти за наградата му беа пливачот Томи Стефановски и боксерот Примислав Димовски.

За најуспешна спортистка на годината е прогласена каратистката Наташа Илиевска.

Организаторите, Агенцијата за млади и спорт и Сојузот на спортски федерации, спортски оскари им доделија и на најдобрите спортисти од разни категории:

  • Андреј Стојановски - спортист со телесен инвалидитет.
  • ОУ Крсте Мисирковв Гази баба - најдобра спортска екипа кај основните училишта.
  • Средното Економско Училиште од Гостивар - најдобра екипа кај средните училишта.
  • Берат Јакупи (карате) - млад спортист на Македонија.
  • Наташа Андонова (фудбал) - млада спортистка на Македонија.
  • Кошаркарската репрезентација на Македонија - најдобра машка репрезентација.
  • Ракометна репрезентација на Македонија - најдобра женска репрезентација.
  • Илија Темелковски (ракомет) - најдобар тренер/селектор.
  • Ракометна федерација на Македонија - најуспешна федерација.
  • Љупчо Неделковски постхумно (кик-бокс) - Спортски оскар за животно дело.
  • Специјален Оскар од АМС - за навивачите на Македонија кои ги бодреа нашите спортисти на СП во Хрватска во ракомет и ЕП во кошарка во Полска.
  • Специјални награди од АМС добија фудбалерот Артим Шаќири и кошаркарот Врбица Стефанов.
Кире Лазаров спортист на годината

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk