Зачленете се во нашиот клуб на читатели и најновите текстови ќе ги добивате на вашата мејл адреса
Комисијата за доделување на награди и признанија при Советот на Општината Куманово, денеска заседаваше и ги резгледа предлозите за доделување на Ноемвриска награда на Општина Куманово за 2010 година.
За најпрестижното годишно признание на градот годинава аплицирале вкупно 16 поединци и правни лица.
Од пристигнатите кандидатури 8 се на физички лица и 8 на правни субјекти. Комисијата ќе ги разгледа пристигнатите предлози, по што ќе одлучи кој заслужува да ја добие наградата- вели Александра Георгиевска претседател на Комисијата.
Предложени кандидати за годинешната награда се пејачот и композитор Боби Серафимовски, гитаристот Томислав Нешковски, Кети Дончевска-Илиќ актерка, Горѓи Спасовеки вработен во Катастар, Гордица Бошковска правник во Синдикатот, Ванчо Михајловски пензиониран водител, Хисен Рахмани професор во гимназија, Мерилин Стојчевска професорка, Здружението на жени „Нада Михајлова„, ЈП „Чистота и зеленило„,Здружение за грижи и воспитување на деца,СТУ „Наце Буѓони„ ОУ „Магдалена Антова„,ЈЗУ „Центар за јавна здравје„,ОУ „Кочо Рацин„ и Фудбалска академија „МИО„.
Добитникот на наградата треба да има постигнато истакнати резултати и достигнувања во афирмација и развој на градот во изминатата година. Бројот на наградените не е ограничен и Комисијата одлучува колку награди ќе додели. Резултатите ќе бидат познати деновиве.
Зачленете се во нашиот клуб на читатели и најновите текстови ќе ги добивате на вашата мејл адреса
