Зачленете се во нашиот клуб на читатели и најновите текстови ќе ги добивате на вашата мејл адреса
Белгискиот државен секретар за имиграција и азил, Mелкиор Ватле денеска го посети Липково за да ја пренесе пораката од белгиската влада, дека граѓаните од овој регион нема да добијат азил во нивната држава.
„Сакам да бидам јасен. Не пости можност за добивање азил поради еконосмки причини.Ние дојдовме овде да видиме каква е економската ситуација и морам да кажам дека не е лесно. Луѓето се изманипулирани дека во Белгија ќе добијат азил и пари и таму ги чекаат станови и работни места. Тие се жртви на неинформираност и жал ми е што овие сиромашни луѓе се изложиле на дополнителни трошоци за патување, а ќе мора да се вратат назад во Македонија. Затоа треба да бидат фокусирани на инветирање тука, бидејќи тоа е најдобриот пат до економски развој - изјави Ватле.
Поради лошото време тој не ги посети селата Матечје и Ропаљце како што беше најавено, туку само се сретана со градоначалникот Садула Дураку. При тоа побара повеќе да се инвестира во нови работни места за да се подобри животниот стандард на граѓаните. Државниот секретар смета дека со издржани проекти може да се дојде до побрз економски развој, кој ќе ги задржи луѓето да не се иселуваат во странство.
Градоначалникот се пожали дека сите досегашни власти го запоставиле регонот, поради што сиромаштијата ги принудила жителите да заминуваат на печалба.
Досега ниту една влада не инвестираше, но се надеваме дека во иднина со подршка на Европската унија ќе почнат да размислуваат за нас и ќе превземе нешто конкретно -рече Дураку.
На средбата во Липково присуствуваа И вицепремиерот за имплементација на Рамковениот договор, Абдулаким Адеми и министерот за труд и социјална политика Џелал Бајрами.
Високиот гостин по посетата на Липково замнина во Општините Прешево и Бујановац, во соседна Србија, каде исто така има проблем со азиланти во Белгија.