Зачленете се во нашиот клуб на читатели и најновите текстови ќе ги добивате на вашата мејл адреса
Кумановската полиција во соработка со надлежните инспекциски служби, од вчера поладне започна контрола во туристички агенции во градот за откривање на евентуална поврзаност со организираните патувања во Белгија.
Според неофицијални информации неколу агенциии биле затворени, а дел добиле парични казна заради неправилности во работењето.
Началникот на СВР Куманово во интерес на истрагата не даде детали за спроведената рација, но соопшти дека последните неколку дена интензивно работат на откривање на инволвираните лица во транспортирањето на граѓани од кумановско - липковскиот регион.
Нема никаква инволвираност, на ниту една служба од СВР Куманово или Граничната полиција.
Добиените податоци од извршените контроли покажуваат нешто друго. Во најкратко време ќе излеземе со конкретни податоци - рече началникот Љубомир Ѓурчевски.
И додека полиција ги бара организаторите на патувањата, жителите од Липково почнале да се враќаат дома. Десетина семејства пристигнале од Белгија, а 6 деца од вчера тргнале на училиште, објави градоначалникот на Липково.
Зачленете се во нашиот клуб на читатели и најновите текстови ќе ги добивате на вашата мејл адреса
