Зачленете се во нашиот клуб на читатели и најновите текстови ќе ги добивате на вашата мејл адреса
Сите магистрални и регионални патишта на територијата на Општината Куманово се проодни. Според информациите од Центарот за справување со кризи, екипите на „Македонија пат„ интервенирале истата вечер во време на снежните врнежи со што е спречена појава на застои на патиштата.
Единиците на општина Куманово располагаат со четири соларки со кои прво се расчистени главните, а подоцна и споредните патишта. Имаше мали прекини во снабдувањето со електрична енергија во некои делови, но екипите веднаш реагирале и дефектите се отстранети. Сите патни правци се проодни освен планинските села каде што се препорачува користење на теренски возила - изјави Филип Јакимовски дежурен оператор во Управа за справување со кризи.
Денеска снежната покривка во градот изнесува од 15 до 20 сантиметри.
Една од задачите на Центарот за управување со кризи е и да ги следат состојбите кои произлегуваат од временските услови.
И.И.