Зачленете се во нашиот клуб на читатели и најновите текстови ќе ги добивате на вашата мејл адреса
Во тешка сообраќајна несреќа во населбата Добрешане, синоќа три лица се тешко повредени и едно полесно при судир на мотор и такси возило.
Возачот на моторот Стефан М.(20) е пренесен во Клиничкиот центар во Скопје и се бори за живот, додека Тони А.(19) и Даниел А. се задржани на лекување во кумановската болница, а Бојан Д. е пуштен на домашно лекување.
Страотната сообраќајка се случила синоќа во 23.30 часот на регионалниот пат Куманово-Свети Николе, кај бензинската пумпа „Детоил“, кога директно се судриле мопед „кимко“ и такси возило, кое превезувало патници кон Куманово. Од силината на ударот моторот прелетал преку автомобилот и паднал зад него. При тоа најлошо поминал возачот на моторот Стефан, неговиот сопатник Тони и сопатникот во таксито Даниел се здобиле со тешки повреди.
Полицијата извршила увид на лице место и работи на откривање на околностите и причините до кои дошла сообраќајката.