Зачленете се во нашиот клуб на читатели и најновите текстови ќе ги добивате на вашата мејл адреса
За тропските горештини кои деновиве го зафатија регионот, лекарите со предупредување до граѓаните, да не излегуваат во најжешкиот период помеѓу 10 до 17 часот, да избегнуваат тешки физички активности, а неопходните работи да ги завршуваат рано наутро и доцна попладне.
Пожелно е да носат светла и лесна облека, да консумираат помало количество на храна избегнувајќи притоа тешка и масна храна, како и храна која содржи големо количество на шеќери. Исто така препорачливо е да внесуваат многу течности почнувајќи пред се од обичната вода, минерална вода и безалкохолни пијалоци.
-Значително е зголемен бројот на пациентите со висок крвен притисок, стенокардични болки, отежнато дишење и други хронични болни, а поради високата температура бараат помош и луѓе кои се жалат на труење со храна, дијареа и повраќање како и алергиски реакции предизвикани од каснување на инсекти - рече д-р Гордана Тотеска од Поликлиниката Карпош.
На хроничните болни д-р Тотеска им препорача да бидат дисциплинирани и редовно да ја земаат својата терапија, а за сите промени задолжително да го консултираат матичниот лекар.