Зачленете се во нашиот клуб на читатели и најновите текстови ќе ги добивате на вашата мејл адреса
Претседателот Ѓорѓе Иванов во Новата 2010 година ручаше војнички грав во кумановската касарна ,,Боро Менков,,.Новогодишната честитка врховниот командант на армиските сили ја донесе лично и ја упати до сите припадници на АРМ, особено до мировниците кои се надвор од државава.
Овој ден секогаш е полн со надеж и исчекувања и затоа очекувам во 2010 нашата армија да биде дел од НАТО и конечно сите оние реформи и сето она што е направено да биде верификувано со тој чин. На сите граѓани на РМ им ја честитам Новата година и посакувам годината да им биде успешна и во приватниот живот - изјави претседателот Иванов.
Претседателот на војниците им подари ЛЦД телевизор. Денешната посета на Здружената оперативна команда е првото доаѓање на претседателот Иванов во Куманово од почетокот на неговиот мандат.