Разбојник нападнал мајка и ќерка

Станува збор за Горан Д.(28) од Скопје, против кој ќе биде поднесена пријава. Полицијата ја испитува неговата евентуална вмешаност и во други вакви дела кои во изминатите месеци се случувале во Куманово и Скопје. М.Д.(44) и нејзината малолетна ќерка додека се движеле по улицата 11 Октомври, биле пресретнати од Горан, кој со едната рака ја фатил мајката за врат, а со другата почнал да и го кине златното синџирче. Кога нападната се обидела да се одбрани, тој ја удрил, и жената паднала на земја. Во тој момент ќерката почнала да вика и да бара помош. Тогаш напаѓачот и неа ја бутнал на земја и почнал да бега. Повикот за помош го слушнале двајца инспектори што се нашле во непосредна близина, и го упасиле.