Зачленете се во нашиот клуб на читатели и најновите текстови ќе ги добивате на вашата мејл адреса
Во организација на градоначалникот и Советот на Општината Старо Нагоричане свечено ќе биде одбележан 11 ноември – Денот на ослободувањето на Општината.
По тој повод во вторник на 9 ноември, свечено ќе бидат пуштени во употреба водоводот во селото Облавце и првата фаза од асфалтираниот пат Старо Нагоричане - Никуљане.
Во среда Општината ќе се претстави на саемот „Агрофуд„ на Скопскиот Саем во Хала 3.
На празникот во четврток во О.У. „Светозар Марковиќ“ градоначалникот ќе ги прими и ќе им се обрати на најдобри ученици од Општинските основни училишта, по што ќе следува видео презентација на Општина Старо Нагоричане. Во 14 часот е закажана Свечена седница на Совет на Општина Старо Нагоричане, при што ќе бидат доделени Ноемвриски награди за 2010 година.
Прославата на Денот на Општината ќе заврши со Културно уметничка програма во изведба на ученици од Општинските основни училишта. На прославата се поканети гости од општините партнери на Старо нагоричане и збратимените градови, како и претставници на општествено-политичкиот живот во државата.