Стратегија за поквалитетно образование

Проектот предвидува поорганизиран пристап кон прифаќање, организирање и менаџирање на правните субјекти и надлежните во образовниот систем во Општината за периодот од 2011 до 2016 година.

Повеќе од месец и половина расправавме за изготвување на нацрт-стратегијата за развој на образованието во нашата Општина за наредните пет години. На расправата имаше пет различни трибини во кои беа вклучени граѓаните со свои забелешки и сугестии.Сите можат да дадат свои предлози на сајтот на Општината кои ќе се разгледаат, а оние најуспешните ќе се применат во изготвување на стратегијата која потоа ќе се усвои и реализира. Планирано е да се постави предлог верзија на овој документ кој ќе биде надополнет со сите забелешки од јавната расправа. За среќа образованието сеуште е од висок интерес од страна на граѓанството. Се изготви и акционен план за првите две години во кој ќе се забележани конкретните мерки и активности според динамиката и извршителите и како тие да се реализираат во наредните пет години - објаснува Миле Стојменовиќ раководител на секторот за образование во Куманово.

Оваа стратегија ќе биде како рамка која ќе покаже систематски приод кон развојот и унапредувањето на образованието за периодот од 2011 до 2016 година.