Ученичкиот дом Професор Мијалковиќ во Куманово има 80 слободни места

Домот е уреден така за да можат учениците да се чувствуваат како во домашна атмосфера. Располагаме со библиотека, читална, интернет, ресторан, како и просторија за слободни активности. Најголем дел престојуваат ученици од соседните градови Крива Паланка, Кратово, Свети Николе, како и од поодалечените кумановски села. На поголем одзив за упис во домот се надеваме по вториот уписен рок со што ќе го исполниме капацитетот - вели Слободанка Стојковска директорката на ученичкиот дом Професор Мијалковиќ.

Во моментот се санираат недостатоците на објектот, се вршат мали интервенции на санитариите, варосување на просториите и набавка на нови постелнини со што домот се подготвува за прием на учениците пред стартот на учебната 2010-2011 година.

За време на летниот распут работиме на уредување на собите и останатите простории во домот. Се врши обновување на инвентарот, дезинфекција и се она што е потребно просторот да биде чист, уреден, адаптиран и подготвен за прием на учениците - вели директорката Стојковска. 

Ученичкиот дом во Куманово располага со стручна служба составена од социолог, педагог, психолог и воспитувачи, а оние што ќе се запишат во Професор Мијаловиќ ќе престојуваат од од први септември.