Зачленете се во нашиот клуб на читатели и најновите текстови ќе ги добивате на вашата мејл адреса
Жителите од населбата "Бавчи" од денeска повторно се приклучени на градската водоводна мрежа, откако 15 дена немаа вода, поради неплатени сметки.
ЈП "Водовод" го нормализира водоснабдувањето, по потпишување на договорот помеѓу директорот, градоначалникот и претставници од месната заедница, со кој жителите се обврзуваат дека заостанатиот долг ќе го платат и ќе ги легализираат приклучоците што досега не биле пријавени.
" Се договоривме сите диви приклучоци да се легализираат во одреден
период, а заостанатите сметки да ги плаќаат на рати. На овој начин ќе
се овозможи и јавното претпријатие да ги намали своите побарувања кон
граѓаните и да овозможиме легални приклучоци. Ромите од Куманово на
овој начин покажуваат дека се лојални граѓани на општината и ги
почитуваат сите законски обврски. Оваа соработка се реализира со
посредство на претставниците на ромската заедница и нивниот советник "-
рече градоначалникот,Зоран Дамјановски.