Зачленете се во нашиот клуб на читатели и најновите текстови ќе ги добивате на вашата мејл адреса
Жителите од улицата „Питу Гули“ обвинуваат дека нивни соседи узурпирале дел од улицата и сега наместо 8,5 метри, како што е предвидено со деталниот урбанистички план на поедини места таа се гради само на 5,5 метри.
Најголем проблем за граѓаните претставува почетокот на улицата, каде нивен сосед поставил ограда и скусил 3 метри со што раскрсницата ја направил небезбедна. Тоа е неприфатливо за нив и затоа бараат да се стопира изградбата се додека не се реши проблемот.
Според планот улицата минува до самиот кош на куќата, но тој постави ограда и сега вели дека никој ништо не му може бидејќи планира да го купи половина од улицата. Почна реконструкција на улицата, а никој од наделжните не сака да го санкационира. Во локалната самоуправа ни велат дека ги немаат документите и се прават наглуви и незаинтерсирани за целиот случај. Дефинитивно зад ова работа стојат повеќе луѓе, кои брзаат да се стави асфалтот, а потоа тоа што ќе остане, општинскиот имот да се спои со дворот - вели Александра Гоцевска.
Граѓаните кажуваат дека оперативниот план не се совпаѓа со деталниот урбанистички план, бидејќи е направена корекција во интерс на поединци и улицата ќе остане без тротоар.Тие имаат забелешки и на фекалната канализација, која сеуште не била технички предадена, а веќе се појавиле проблеми со поплавување.
Од локалната самоуправа рекоа дека градежните работи на „Питу Гули“ се сопрени се додека не се разгледа случајот и најде соодветно решение.