Десет пожари за еден ден, земјоделците палат стрништа во нивите

Најголем дел од пожарите се предизвикани од палење на стрништа и отпад што го собираат змјоделците додека ги чистат нивите.

Осум од пожарите се на територијата на кумановско, и два во старонагоричкиот регион.

На првиот пожар е интервенирано од 10:55 до 12:50 во с.Орашац на опожарена сува трева и трска, вториот во с. Табановце од 13:00 до 14:15 часот. Потоа во селата Бељаковце, Доброшане, Черкезе, а опожарено електично броило и бандера имало во с.Долно Којнаре.

Во Старо Нагоричане имало пожар во с.Ругинце  и во Сув Орах на опожарена сува трева од 17:40 до 20:00 часот.

Пожарникарите ги повикуваат граѓаните да не палат стрништа, бидејќи тоа е казниво со закон.