Зачленете се во нашиот клуб на читатели и најновите текстови ќе ги добивате на вашата мејл адреса
Градскиот фудбалски клуб Куманово, утре на 1 мај ќе гостува на екипата на „Беса“ во селото Слупчане, Липковско.
Натпреварот е според првенствениот календар, но се игра во среда заради велигденските празници викендов.
„Играме против „Беса“ од Слупчане, и по наши проценки доколку победиме имаме 90- процентна шанса да го освоиме првото место во лигата. Но, ќе биде тешко- играме на гости и по најавите ќе бидеме под голем притисок од нивните навивачи. Често на натпреварите доаѓа и група навивачи од „Шкендија“ Арачиново, нашиот директен конкурент за првото место и со закани и навреди се обидуваат да не испровоцираат. Ќе направиме се и се надеваме дека повторно ќе триумфираме“, истакна Тони Раденковиќ, потпретседател на клубот.
До крајот на првентсвото ГФК Куманово ќе игра два меча на гости и два на домашен терен. Само со победа на сите од нив ќе го задржат првото место на табелата во Трета лига Север и ќе имаат можност да се борат за влез во повисок ранг на натпреварување.
На последниот редовен натпревар ГФК Куманово извојува победа против ССК Нова со висока разлика од 6:0.
Зачленете се во нашиот клуб на читатели и најновите текстови ќе ги добивате на вашата мејл адреса
