Златен медал за Андреј Стојановски на „Летен карате камп“ во Сутоморе

Андреј Стојановски (11) од Куманово освои златен медал во дисциплината кати поединечно на „Летниот карате камп“ во Сутоморе, Црна Гора.

Ова е 50-то, јубилејно издание на карате кампот на кое учествувале 80 спортисти, учесници од Куманово, Штип, Власотинце, Лесковац, Белград, од сите возрасти, кој се одржувал од 18 до 27 јуни.

Андреј e дисциплиниран вљубеник во боречката вештина и воопшто во спортот.

„Ова е втора негова златна медаља само на овој семинар, тренира од четири годишна возраст, и се ќе пропушти, ама тренинг никако. Го сакаат и тренерите и професорите по физичко образование, тврдат дека е талентиран, постојано се трудат да го задржат во својата екипа, без разлика дали се работи за фудбал, пливање или било кој индивидуален или тимски спорт“, гордо истакнува мајката Драгана Стојановска.

Андреј е носител на црн појас, 1 Дан, а за следното повисоко ниво може да полага откако ќе наполни 16 години. Досега има освоено бројни медали, награди, признанија и благодарници за учество и особен успех на различни карате турнири во државата и регионот.

Член е на Карате клубот „Ронин ДОЈО“ од Куманово, а работи со тренерот Оливер Милорадовски.

Кампот е место и време кога имаат интензивни тренинзи, разменуваат искуства и техники, а натпреварувачкиот дух го одржуваат и силите ги одмеруваат со учество на турнир од награден карактер. Организатор е Шотокан карате до клубот „Јошитака“ од Скопје.

Првиот летен камп се одржал 1974 година во кампот на Партизан во Дојран во 1974 година и оттогаш во континуитет, се одржувал во Берово, Улцињ – Црна Гора, Преспа, Охрид и последните дваесетина години во Сутоморе – Црна Гора. Покрај полувековниот јубилеј, на кампот биле одбележани и 30 години од формирањето на Шотокан карате до академија Македонија-Казе Ха.

На кампот во текот на годините учество зеле повеќе од 9 илјади каратисти.