Канцелариите во судот како сауни

 Во судската зграда има 50 канцеларии за судии и судски соработници, а само 6-7 биле климатизери, додека останатите се оставени на природно ладење.

 Вработените кажуваат дека најжешко и неподносливо за работа е во канцелариите кои неодамна беа доградени на третиот кат од зградата под кровот,  како и  просториите на јужната страна што цел ден ги пече сонце. Таму вработените и странките едвај дишат од неподносливата топлина,  а често имаат и здравствени проблеми. Спас бараат со ролетни и вентилатори, кои малку помагаат.

Во канцелариите има повеќе од 40 степени, неможе да се дише а не да се концентрираш на работата. Често се случува да им се слоши на странките или судиите. Од денеска се судките ферии и малку ќе здивнеме, но пеколот не чека од 15 август кога ќе се вратиме на работа. Во меѓувреме секој од судиите има дежурства и итни предмети кои мораме да ги одработиме  - велат вработени во судот.

Судска зграда пред неколку месеци беше доградена, реновирана и донесен нов мебел. На пуштањето дојде министерот Михајло Маневски кој рече дека судиите  ќе работата во најсовремени услови. Уште тогаш судиите коментираа дека џабе нови маси и столчиња, кога не им вградија клими. Проблемот со климатизирањето е актуелен со години наназад, а мината година две судијки сами си купиле клима уреди во канцелариите затоа што неможеле да ги поднесат горештините. Како причина зошто нема климризери, надлежните се правдале  дека судот нема пари.