Се поправа локален пат во Младо Нагоричане

 Денеска започна поправката од магистралниот пат до маалата Џипунци каде што патот ќе се порамни и тампонира, додека до маалата Слатино за прв пат ќе се пробие, порамни и тампонира. Така што и најодалечената и досега заборавена маала Слатино во Младо Нагоричане ќе биде поврзана за прв пат со Општинскиот центар во Старо Нагоричане- соопштуваат од Општината.

Општина Старо Нагоричане во наредната година планира дел од горенаведениот локален пат да го асфалтира за што подготвува и техничка документација и обезбедува финансиски средства.

Со Програмата за изградба и поправка на локални патишта и улици за 2010 година,  исто така, се планира  да се работат и останати патишта во населени места.