Контејнер на тротоар - проблем за пешаците, но и за возачите

На речиси сите тротоари во градот има поставено контејнери, кои не само што им го попречуваат движењето на пешаците, туку создаваат сериозни проблеми и ја загрозуваат безбедноста во сообраќајот.

Еден таков пример ни испрати жител на населбата „Гоце Делчев“, поточно на улицата „Тоде Думба“. „Прописно“ поставените контејнери на тротоарот прописно ја попречуваат видливоста на раскрсницата, па возачите ја минуваат на невидено.

Исти вакви проблеми имаат и возачите во други делови на градот. Од контејнерите кои се поставени на аглите на улиците нема прегледност на сообраќајниците, што е голема и потенцијана опасност за сообраќајни незгоди.