Крива Паланка ќе добие Центар за дневен престој за лица со активно стреење

Градоначалникот на Општина Крива Паланка, Сашко Митовски веќе потпиша договор за грант за опремување и адаптација на Центарот, кој ќе се реализира преку Министерството за труд и социјална политика,  со финансиска поддршка од Светска Банка, во рамки на Проектот за подобрување на социјалните услуги.

„ Унапредувањето на социјалните услуги во нашиот град и грижата за сите наши сограѓани продолжува, а во тие рамкии е и новиот проект. Покрај опремување и адаптација на Центарот за дневен престој за лица со активно стареење, за дел од активностите ќе бидат превземени и градежни работи, а за негово успешно функционирање, ќе бидат набавени и електрични мопеди за пресоналот и 10 велосипеди за дополнителни рекреативни активности за виталните корисници по воспоставување на услугата“, истакнува градоначлникот Митовски.

Грантот изнесува 5.9 милиони денари, а давател на услуги ќе биде Црвениот крст од Крива Паланка во чиј објект ќе биде сместен центарот, кој ќе им служи на лицата од  трето доба да бидат активни и ангажирани граѓани.

Во рамките на истиот повик, Општина Кратово,  заедно со Општина Пробиштип и Организацијата на Црвен Крст - Пробиштип,  исто така добија подршка од МТСП за реализација на проект со кој ќе се воспостави услуга - помош и нега во домот  за лицата со намален функционален капацитет,  кои не можат сами да се грижат за себе, а со цел да продолжат да живеат во сопствениот дом и да водат независен живот во заедницата .

Со овие проекти, МТСП го  продолжува процесот на децентрализација на социјалните услуги од интерес на граѓаните на локално ниво.