Зачленете се во нашиот клуб на читатели и најновите текстови ќе ги добивате на вашата мејл адреса
Општина Крива Паланка ќе им надомести дел од трошоците на младите кои годинава ќе купат велосипед, со цел да ги стимулира да го користат ова превозно средство и да придонесат за почиста животна средина.
Мерката за која е донесена одлука на Советот на општината, важи за тековната 2023 година, а субвенционирањето изнесува 50% од вредноста на велосипедот, односно најмногу до 4.000 денари по лице, со вклучен персонален данок на доход.
„Младите лица ќе бидат постојано информирани за искористеноста на предвидените средства. Надоместокот ќе се распределува по принципот „прв дојден, прв услужен“, се до исцрпување на предвидените средства во Буџетот на општината за 2023 година за оваа намена“, информираат од општината.
Право на учество за субвенционирање на набавка на велосипеди имаат сите лица на возраст од 15 до 29 години, жители на Општина Крива Паланка, од 01 јануари 2023 купиле велосипеди во државата. Едно лице може да поднесе само едно барање за добивање надоместок за еден велосипед.
Зачленете се во нашиот клуб на читатели и најновите текстови ќе ги добивате на вашата мејл адреса
