Зачленете се во нашиот клуб на читатели и најновите текстови ќе ги добивате на вашата мејл адреса
Невестата од Галичка свадба 2022, заедно со нејзината свекрва, ќе учествуваат на 13-та традиционална културна манифестација „Невестинско поклонение“, која ќе се одржи на 5 март 2023 година пред црквата „Свети Теодор Тирон“ во кривопаланечкото село Конопница.
На оваа манифестација, која е вековен обичај на жителите од овој крај, учествуваат снаите кои се омажиле помеѓу две Тодорици, кои со своите свекрви , облечени во народна носија, го изведуваат ритуалот на поклонување пред Св. Теодор Тирон - заштитник на родот и породот.
„Засега имаме потврдено ексклузивно учество на снаата и свекрвата од автентичната манифестација Галичка Свадба, а очекуваме потврда и од невестата и свекрвата од Пијанечката свадба. Во невестинската поворка редовно се и локални учеснички, како и учеснички од регионот и од соседните земји. Ова практично значи поврзување на најпознатите брендови што ја негувааат традицијата на македонските свадбени обичаи како Галичката и Пијанечката свадба со Невестинскито поклонение како манифестација која ги негува послесвадбените обичаи од нематријалното културно наследство“, вели идејниот творец Стојанче Величковски.
На учесничките им се даваат поклоненички марами и со звукот на камбаните тргнува поворката и поклонувањето пред Свети Теодор Тирон од каде ја примаат молитвата и благословот за зајакнување на брачните врски и породот.
Пријавувањето за Невестинското поклонение се уште е отворено, а сите заинтересирани можат да се пријават на телефонскиот број 070/321-234.
Организаторите ги покануваат младите невести од кумановскиот крај кој се омажиле помеѓу двете Тодорици да земат учество на манифестацијата.
Зачленете се во нашиот клуб на читатели и најновите текстови ќе ги добивате на вашата мејл адреса
