Ракометарите на Куманово немоќни против Алкалоид, убедлив пораз на домашен терен

Ракометарите на МРК Куманово не успеаја да им парираат на гостите од Скопје и претрпеа убедлив пораз од РК Алкалоид со 27:41, во натпревар од 21. коло на Суперлигата.

Средбата во салата на економското училиште „Перо Наков“ помина во знакот на тимот на Кирил Лазаров, кој од самиот почеток наметна темпо што домашните не можеа да го следат. Веќе на полувреме Алкалоид имаше комотна предност од девет гола (10:19), а гостите не попуштија ниту во вториот дел, задржувајќи ја контролата врз играта до самиот крај.

Кај Куманово најпрецизен беше Фелипе Џанкарло Хен со девет погодоци, додека кај Алкалоид Александар Петковски блесна со 13 гола.

Ова беше 16. пораз за МРК Куманово во сезоната, а тимот останува на 9. место на табелата.

Следува пауза поради Европската недела на ракомет и квалификациските натпревари на репрезентацијата. Кумановските ракометари следниот предизвик го имаат на 23 март, кога гостуваат кај Радовиш.