Објавен повик за проекти за рамномерен регионален развој

Целта на повикот е доделување средства на проекти кои ќе придонесат кон намалување на разликите во степенот на развиеност меѓу регионите, јакнење на регионалната конкурентност и поттикнување на локалниот развој преку искористување на сопствените потенцијали.
 
„Приоритетни ќе бидат проекти за развој на современа и модерна инфраструктура во планските региони,  препознавање и искористување на конкурентските предности на планските региони и  подобрување на енергетската ефикасност на јавните објекти и користење обновливи извори на енергија“, стои во повикот.

Вкупниот износ на средства предвидени за финансирање на проекти изнесува 74.840.000 денари. 
 
Право на поднесување предлог-проекти имаат: Центрите за развој на планските региони, општините, градот Скопје, јавните претпријатија и јавните установи, високообразовните и научни институции и здруженијата.
 
Рок за поднесување апликации е во текот на 2026 година, односно до искористување на расположливите средства.
 
Повикот со условите и критериумите е достапен на веб-страницата на Министерството за локална самоуправа на следниот линк:
https://mls.gov.mk/mk-MK/odnosi-so-javnost/javni-povici/otvoren-javen-povik-dispariteti-2026-godina