Слаб снег провејува во Куманово
Слаб снег проследен со ветер провејува во Куманово. Во текот на ноќта врнежите од дожд поминале во снег и на пониските места. На повисоките места и планините во западните делови, врнежите се со умерен интензитет и се формира снежна покривка.
Според Меторолозите во текот на денот ќе биде претежно облачно и студено со засилен северен ветер и со повремени врнежи од снег со слаб до умерен интензитет, особено во источните делови. Помала снежна покривка ќе се формира и на пониските места, а на планините ќе се зголеми. Дневната највисока температура на воздухот ќе биде во интервалот од -2 до 4 степени.
Во Куманово и околината денеска ќе имаме облачно време со повремени врнежи од снег. Ќе дува умерен до засилен ветер од северен, односно северозападен правец, а максималната дневна температура ќе биде 0 степени, додека истата вечерва во текот на ноќта ќе падне на -7 степени.
Во следните денови следува стабилно време со постепен пораст на дневната температурата, но во среда и четврток утрата ќе биде многу студено со температури од -10 до -4 степени.
НАЈНОВИ
-
Повеќе од 60 настани во 2,5 месеци на „Кривопаланечко културно лето“
-
Проширена истрагата на уште 13 полицајци за пожарот во дискотеката во Кочани
-
Општина Куманово со 14.000 евра ќе поддржи 4 проекти за туризам, екологија, младинска иницијатива и социјална кохезија
-
Време е за пролетна чистка во „Алфи“- попусти пред почетокот на летната сезона
-
Јасмина Спасовска уште еден мандат ќе раководи со ОУ „Браќа Миладиновци“
-
ЗНАМ организира кродарителска акција во Куманово
