Денис Мурат и Јоце Панов ќе настапат на „Сунчане скале“ 2013

На 29 јуни на фестивалската сцена во Херцег Нови ќе слушнеме вкупно 20 песни, меѓу кои и нашите изведувачи Јоце Панов и Денис Мурат.

Јоце Панов ќе се претстави со модерна балада со наслов „Боли ме твој додир“, а музиката и текстот се на Роберто Поп Димитров, со аранжман и продукција на Миро Буљан. Пред фестивалот песната ќе добие и свој спот.

Оваа песна ја чуваме точно десет години и чекавме вистински момент за да ја отпеам. Мислам дека сега и правото време, а и многу повеќе доби на тежина со аранжманот и продукцијата на Миро Буљан-вели Јоце Панов.

Денис Мурат ќе се претстави со темата насловена „Бол у срцу мом“, која е авторска композиција на Глигор Копров. Песната ќе биде промовирана со спот во режија на Дарио Јанковиќ, а наскоро ќе добие и македонска верзија.

Сите песни од годинешново издание на фестивалот ќе бидат пуштени во етер по 5 јуни, а ќе можат и да се преземат од официјалната веб-страница на „Сунчане скале“.