Кумановци уживаа во звуците на тамбурата

Викендов кумановци ќе го следат настапот на босанските и словенечките тамбураши, а за постарите генерации атракција е солистот Ладо Лесковар.

- Тамбурата е симбол и синоним за куќа,за домашен куќен инструмент и автоматски негувањето на таков тип музика значи и респектирање на домот како школа како едукација како здрава средина,затоа е од огромно значење пораката што ја носи и самиот инструмент и воопшто фестивалот - изјави доајенот на етно музиката Драган Даутовски.

Во земјава има над сто песни во кои е опеана тамбурата. Овој народен инструмент треба да се спаси од заборав, сметаат учесниците.

- Многу ми е драго што после едно мало затишје повторно се враќа тамбурата како инстумент на седенките на славите и на свадбите - рече Горан Михајловски, член на групата “Гезме“.

Во Куманово фестивалот се оддржува осма година по ред и како таков привлекува многу посетители.

Фестивалот е под покровителство на општината и Советот на општина Куманово. За целата програма од буџетот ќе бидат одвоени околу 500.000 денари.И Министерството за култура годинава одлучи финансиски да го поддржи фестивалот .