Премиера на филмот „409“ на Дариjан Пеjовски

Филмот е приказна за човек што поседува сѐ што во општествена смисла значи „нормален“ или „успешен“. Но токму овие параметри го врамуваат и го потиснуваат во агол, каде што во недостиг од емотивна сатисфакција, се врти кон себеси.

Главните улоги во филмот на Пејовски ги толкуваат Симеон Дамевски и Ирена Ристиќ. Продуценти се Горан Ацевски, Кристијан Ристески и Јовица Пановски. Кинематографер е Димо Попов, сценографијата е на Срѓан Митровиќ, а музиката ја напиша Александар Пејовски. Монтажер е Горјан Гешоски, а костимограф Розе Трајческа-Ристевска. Филмот е во продукција на „Марни филмс“ и „Вертиго висуал“, со поддршка од Филмскиот фонд на Македонија.