Траволта и Њутон-Џон повторно во дует

Тие се дел од божиќен албум, во кој учествуваат и други, не помалку познати ѕвезди, во спомен на синот на Траволта Џет, кој почина во 2009 година.

Со Оливија повеќе пати зборувавме дека треба повторно да запееме заедно. Добро е што се случи овој проект, изјави Траволта.

Во 1978. година во музичката комедија „Grease“ настапија заедно американскиот актер и неговата австралиска партнерка во улогите на Дани и Сенди. Тогаш песната „You`re The One That I Want“ стана вистински мега-хит.

Покрај Траволта и Њутон-Џон како дел од божиќниот албум „This Christmas“ се и Барбра Стрејсенд и Тони Бенет.