10 кумановци со оштетен слух ќе конкурираат за државна работа
12.11.2013 10:16
| KumanovoNews
До крајот на месецов 10 глуви и наглуви лица од Куманово ќе аплицираат на конкурсот за работа во државни институции за инвалидизирани лица кој го објави Владата.
Ги мотивираат добрите услови за работа и регулиран стаж. Знаеме дека во приватниот сектор не е секогаш така. Меѓу тие десет кандидати има луѓе со завршено средно и со завршено основно образование. Се работи за повозрасни членови. Двајца треба да се вратат од Германија и очекуваме и тие да се пријават. Резултати од конкурсот ќе имаме во декември - велат од Здружение на глуви и наглуви Куманово.
На конкурсот ќе бидат примени 300 луѓе со инвалидитет, вклучувајќи ги тука и глувите и слепите лица.
