Членови на Комисијата за односи меѓу заедниците посетија семинар
Членовите на Комисијата за односи меѓу заедниците викендов присуствуваа на тридневен семинар во Струга на кој се дискутираше за функционирањето на овие комисии.
Се цитираше Законот за локална самоуправа кој предвидува формирање на Комисии за односи меѓу заедниците. Таа комисија советодавно делува на општинскиот совет. Се зборуваше за тоа какви обврски имаат членовите и претседателот. Како да се измени и дополни деловник за работа на комисијата. Имаше симулација на одреден проблем и како членовите на Комисијата за односи меѓу заедниците ќе го решат тој проблем, при што се покажа дека тие добро си ја завршија работата - изјави Виолета Петровска, член на Комисија за односи меѓу заедниците.
Таа објаснува дека годинава за првпат во ова тело влегуваат претставници од невладиниот сектор.
Семинарот го организираа Институт за развој на заедниците и ЗЕЛС, а на него учествуваа претставници од шест општини од Македонија.
