Црвен Крст организира камп за волонтери во Драгоманце
04.08.2014 09:05
| KumanovoNews
Црвен Крст Куманово од 12 до 14 август во с.Драгоманце организира камп за своите волонтери, кои ќе се обучуваат за прва помош при катастрофи.
На кампот ќе учествуваат 30 - тина волонтери, а обучувачите ќе бидат од Црвен Крст од Скопје.
- Шатори ќе бидат поставени помеѓу интернатот и училиштето во село Драгоманце. Волонтерите ќе бидат поделени во две групи. Целта на кампот е волонтерите да се дообучат и ова на некој начин им е награда за сработеното - вели Сања Голубовска, координатор на млади во Црвен Крст Куманово.
Кампот е традиционален и се оддржува секоја година со исклучок на минатата.
