Деца од градинка посетија Полициска станица
Во пресрет на 9 декември - Ден на превенција во полиција, децата од големите групи од градинката “Ангел Шајче“ ја посетија Полициската станица од општа надлежност Куманово.
Децата ги видоа полициските кучиња и возила. Со полициските службеници тие разговараа за своите познавања за безбедно движење во сообраќајот, за безбедноста во домот и за довербата во полицајците. Децата на полицајците им подарија фигури полицаец, слики и честитки, а полицајците нив им подарија чоколади, боенки и боици.- соопштуваат од Полицијата.
Соработката помеѓу децата и полицијата започна уште во ноември, кога децата цртаа на тема “Мојот пријател - полицаец“ и од нивните цртежи беше направена изложба во СВР Куманово.
Вакви активности се практикуваат секоја година со цел децата да имаат доверба во полицајците како нивни заштитници и пријатели.
