Дваесетина кученца се здомија

Презадоволен сум од одзивот, бидејќи не очекував толку граѓани да дојдат. Многу ми е драго што овие малечки животни ќе бидат во семејства, затоа што се здрави и питоми и заслужуваат да живејат во хумани услови. Ова ни е потик да продолжиме со организирање на вакви акции секој месец - вели Димитар Велев, ветеринар во Тодор Велков.

Кучињата што денеска се здомени се собрани по градските улици. Најголем интерес покажаа децата, кои ги окупираа кафезите и со своите родители бираа домашно милениче. Во посебна процедура можеа да земат кученце само оние што се постаи од 20 години, а при тоа им се земаа личните податоци.

Кучиња им даваме само на луѓе за кои проценивме дека ќе се грижат за нив. Подоцна ќе проверуваме дали ги чуваат кучињата. Целта е кучињата да се чуваат, а не да се пуштат повторно на улица. Сите посвојувачи добиваат и ваучер со кој подоцна ќе можат бесплатно да ги вакцинираат, стерилизираат и кастрираат во Ветеринарната станица- вели Александра Давидовска од Центарот за рурален развој Проевце.

Покрај децата на Градскиот плоштад имаше и повозрасни граѓани кои сакаа да си земат кученце.Повеќето бараа машки кученца.

Одамна се сакам да земам куче за го чувам во дворот. Кога слушнав дека се организира ваква акција дојдов, и презадоволен сум од изборот. Овие кучиња не се од некоја раса со педигре, и не бараат посебен третман.Но сепак ќе се грижам за него како за дете-вели еден постар човек.

Граѓаните кои што денеска не дојдоа на акцијата „Не купувај. Вдоми„!,можат да отидат наредните денови во Ветеринарната станица, да ги видат кучињата и доколку некое им се допадне да го посвојат.