Фирми во Куманово продавале неквалитетно вештачко ѓубре

Државниот инспекторат за земјоделство вчера открил 35 тони ѓубре, произведено во фабриката Азохем од Суботица, кое содржи помали количини на азот, калиум и фосфор.

 Станува збор за НПК ѓубре, декларирано е со 3 петнаесетки, но лабораториските анализи покажаа вкупен азот 7, вкупен фосфор 9,28 и вкупен калиум 6,80. По правилникот е дозволено отстапување од 1,5 проценти од декларираното, а овде имаме надминување од 50 до 70 проценти-изјави Румен Стаменов, директор на Државениот земјоделски инспекторат.

  Изматата ја откриле, откако земјоделците почнале масовно да се жалат дека имаат слаби приноси на земјоделските култури и покрај тоа што ставаат доволни количини на вештачко ѓубриво. Директорот објаснува дека е многу чудно што покрај фалсификуваните сертификатите на производителот, и анализите во нашите лабаратории кои ги правеле увозниците покажале дека ѓубривото одговара на пропишаните својства и декларации.

Фирмите се казнети со 15 илјади евра, а за главниот увозник се бара забрана за вршење на дејноста. Земјоделците што купиле ѓубре од фирмите, доколку ги чуваат фискалните сметки можат да побараат оштета, а од инспекторатот ќе добијат информација за кои фирми се работи.