Георгиевска: Бевме воздржани за извештаите, гласавме за програмите
Александра Георгиевска, координатор на независната советничка група, ги отфрла обвинувањата од советникот од СДСМ Зоран Колевски и тврди дека тој ја излажал јавноста кога изјавил дека тие гласале против или воздржано за извештаите и програмите за работа и програмите на јавните претпријатија.
Точно е дека извештаите на јавните претпријатија ги гласавме воздржано, но бесрамна лага е дека не ги гласавме програмите на истите овие претпријатија. Напротив ценејќи ја важноста од нивното донесување ги гласавме за. Тие програми треба да ги решат проблемите на граѓаните, да придонесат за подобро функционирање на градот и како такви секако дека ја имаат нашата поддршка. Вчерашната изјава не е ништо друго, освен лажно обвинение и обид со наша дискредитација да се поентира кај граѓаните. Се поставува прашањето зошто СДСМ излезе со вакви обвинувања четири дена по завршување на седницата? Дали вчерашната прес - конференција е производ на нервоза и паника во СДСМ по успешното собирање потписи за независна кандидатура на Виктор Цветковски и независната листа на советници? - изјави Георгиевска.
Таа повтори дека СДСМ и ВМРО - ДПМНЕ се исти, се служат со манипулации и невистини.
