Градоначалникот ги прими наградените од “Гимназијада 2014“

Тие се закитија со вкупно 16 медали од кои атлетичарите земаа три злата, седум сребра и две брозни, а во футсал втори беа машката екипа од “Гоце Делчев“ и женската од “Перо Наков“. Во кошарка трета е машката екипа од  “Перо Наков“, а трети во ракомет се ученичките од “Гоце Делчев“.

Градоначалникот Зоран Дамајновски им честиташе за успехот со кој покажаа дека Куманово е меѓу најдобрите спортски градови во државата.

Од мое име и од име на граѓаните на Куманово голема благодарност до сите овие млади луѓе кои го претставија овој град и ги донесоа овие трофеи. Голема благодарност и се надевам дека вашите професори ќе знаат да го ценат тоа и адекватно ќе ве наградат во вашето училиште со признанија. Се надевам дека наредната година уште повеќе ќе имате елан и подобри резултати за да го застапувате Куманово во натамошниот период - рече Дамјановски.

Тој додаде дека со пари од општинскот буџет последниве години се направени многу спортски терени и тоа ги поттикна младите да се занимаваат со спорт и да го развиваат талентот.

По Скопје, Куманово е втор град кој беше најуспешен во средношколска конкуренција. Со ова докажавме дека во Куманово има навистина потенцијал кога се во прашање млади спортисти. Се надевам дека и во иднина ќе бележиме големи успеси - вели Младен Давидовиќ, професор во “Перо Наков“.

Давидовиќ и неговите колеги планираат следната година да организираат државно првенство во кошарка, ракомет и футсал во Куманово и се надеваат дека ќе добијат финансиска поддршка за реализација на настанот.