Како кумановци се снајдоа со дигитализацијата?

Повеќето од нив кажуваат дека имаат прекин во програмата и побарале помош од операторотите каде ги купиле рисиверите.

Ние имаме кабловска и деновиве имаше некави пречки. Не знам дали е до времето бидејќи имаше грмотевици или за други проблеми. Не баравме помош од операторот, туку чекаме сами да го отстранат дефектот. Но не сум задоволна - вели Благица Петковска, граѓанин.

И останатите наши сограѓани се жалат дека имале проблеми со сигналот деновиве.

 Често пати ми се појавува на екранот известување дека сигналот не е во ред. Тоа особено се случува во последните два - три дена. За изборот на канали немам забелешка, има доволно - рече Стојан Алексовски од Куманово.

Дел од граѓаните сметаат дека дигитализацијата е скапа работа за посиромашните слоеви на граѓани.

Имам пријатели кои живеат на село, невработени, скоро без примања и тие не набавиле рисивер. За нив е скапо. Инаку за мене е во ред, имам плазма телевизор, имам дигитален рисивер, чиста слика, преку 60 тв канали - изјави Трајче Поповски, граѓанин.

Проблемите поврзани со дигитализација граѓаните можат да ги пријават во Агенцијата за електронски комуникации на бесплатниот број 190.