“Киро Бурназ“ ќе соработува со училишта од Србија
Учениците од земјоделското училиште “Киро Бурназ“ ќе соработуваат со земјоделските училишта од соседна Србија, со што се отвараат можности за размена на наставници и ученици.
Ние имаме потпишано меморандум за соработка. Лани во декември имавме гости од Србија, директори на училишта, и јас бев во посета која траеше 4 дена кај нив. Ние сме многу слични, компатибилни по начинот на работа. Тие апсолутно се заинтересирани за соработка и ни се отвараат нови врати. Учениците кои ги праќаме на размени се им е платено, тие ништо не мора да плаќаат. Тоа на некој начин е награда за подобрите ученици по успех - вели директорот Горан Јовановиќ.
“Киро Бурназ“ ќе соработува со училиштата од Нови Сад, Белград, Сомбор, Пожаревац, Ваљево, Краљево, Чукарица и други градови.
