Книги на ромски јазик за учениците од “11 Октомври“

Книгите содржат податоци за културата и традицијата на Ромит, а ќе помогнат учениците да го негуваат својот мајчин јазик.

Ќе поделиме книги на ученици од 4 до 8 одделение, иако за жал тие немаат факултативна настава за ромски јазик. Учебникот носи наслов “Само книгата ни е најдобриот другар“, и верувам дека тоа е убава порака за сите деца. Крајно време е да имаме поголем прогес во образованието на ромските деца- вели Севѓул Авдула од невладината “Сонце си“.

Директорката Мерилин Стојчевска се заблагодари за донираните книги и истакна дека училиштето е отворено за соработка.

Ние првпат воспоставуваме контакт и отворени сме за соработка. Се надеваме дека ќе соработуваме и во иднина и оваа литература многу ќе им користи на децата - рече Стојчевска.

Од “Сонце си“ најавија дека ќе донираат за училишта во сите градови во земјава каде се образуваат ромски деца. Книгите се испечатени со средства од Холандија.