Кумановци слабо пријавуваат сообраќајни прекршоци

Еден граѓанин побарал да се дислоцира возило кое било непрописно паркирано на улица “Иво Лола Рибар“, а другите две поплаки се за брзо возење во населбата Карпош и на крстосницата меѓу “Октомвриска револуција“ и “Трета МУБ“.

 „ По првата пријава е постапено, излезено е на терен, возилото е отстрането од тротоар и сопственикот е казнет. За другите две пријави, бидејќи се пристигнати завчера и вчера, уште не е постапено по нив. Граѓаните можеби се во забуда и мислат дека проектот “Пријави сообраќајна контрола“ е само за Скопје и не пријавуваат од другите градови. Но ние ги охрабруваме  тоа да го направат преку банерот поставен на сајтот на министерството „ - изјави Марија Јаковлеска од МВР.

Околу 90 отсто од барањата за сообраќајна контрола се однесуваат за Скопје.