Кумановските лекари специјалисти ќе протестираат во Скопје

- Ќе одиме од клиниките до Министерство за здравство, а можеби и до Влада. Целта ни е да не видат, бидејќи цело време не игнорираат. Имаме информации дека министерот не е тука, ниту претседателот на Собрание, па очекуваме некој од државниот врв да не прими. Нашите барања се да се укине плаќање по учинок и со плата да се изедначиме со другите високообразовани кадри во државата, тука мислам на факултетски образовани луѓе кои вршат јавна функција. Ние сме луѓе со 10 годишно факултетско образование - вели Билјана Анастасовска, претседател на штрајкувачки одбор.

Поминаа 16 дена од почетокот на штрајкот, а договор помеѓу лекарите и министерот за здравство Никола Тодоров не е постигнат. Утре ќе работат само дежурните служби и ќе се примаат итни случаи.