Малолетници го злоупотребуваат бројот 195

Злоупотребата главно ја вршат малолетници од мобилни телефони, кои понеколкупати дневно се јавуваат на линијата која е наменета за пријавување на важни настани и непотребно ги алармираат вработените.

 - Тоа е стихијно, некогаш добиваме по 50 вакви повици, а некогаш по 15 на ден.  Се работи за малолетници кои додека имаат пауза на училиште се јавуваат. Апелираме да не се злоупотребува бројот кој е наменет за пријавување на настани значајни за животот и здравјето на населението - вели Горан Стојановски од Регионален центар за управување со кризи.

За злоупотребата на бројот 195 е известена и полицијата.