Наврнаа 6 литри дожд на метар квадратен
14.05.2014 08:03
| KumanovoNews
Во кумановско во текот на ноќта наврнаа 6 литри дожд на метар квадратен, информираат од Управата за хидрометеоролошки работи од Скопје.
Во другите градови имаше обилни врнежи со тоа што во Лазарополе паднаа 28 литри, во Маврово 35, Дебар 20, Виница 14, Прилеп и Крива Паланка 13, Штип 7 литри на метар квадратен.
Обилни врнежи не очекуваат денеска и во текот на наредните денови. Времето ќе биде посвежо со пониски дневни температури. Поголеми количини на дожд ќе наврнат во Источна Македонија - рече Душанка Танушевска, дежурен синоптичар во УХМР.
Од Регионалниот центар за управување со кризи велат дека засега водостојот на реките е стабилен и нема опасност од излевање.
