Објавен конкурсот за Ноемвриска награда

Предлозите за доделување на Ноемвриска награда треба да се достават најдоцна до 31 октомври до Комсијата за одбележување на празници и манифестации и доделување на награди и признанија.

Право на предлагање на кандидати за Ноемвриска награда на Општината Куманово имаат претпријатијата, установите, здруженијата, месните заедници, група граѓани и поединци.

Делото, односно постигнувањата да бидат достапни на јавноста до 11 – ти Октомври годинава, а авторот на делото да е жител на Општината Куманово, организацијата или заедницата да е од Општината Куманово, односно делото и постигнувањата да се тематски врзани за Општината Куманово.

Според Одлуката, Ноемвриската награда се доделува на поединци, претпријатија и други организации, установи, здруженија и заедници чие дело односно резултати во работењето и делувањето претставуваат посебно остварување во областите на стопанството и вонстопанските дејности, во текот на едногодишен и повеќегодишен период.

По повод 11 – ти Ноември – Денот на ослободување на Куманово, Општина Куманово и оваа година ќе ја додели традиционалната Ноемвриска награда, како највисоко општествено признание кое се доделува за посебни постигнувања во одделни области.