Обновенo: Експлозија од плин запали стан- изгоре сопственикот
Божин Трајчевски (70) од Куманово, изгоре во пожарот што предпладнево избувна во стан на булеварот „Октомвриска револуција„ бр.58, по експлозија на плин.
Повредениот итно бил пренесен во кумановската болница, но починал.
Човекот е донесен во болница со изгореници по целото тело од трет и четврт степен, задобиени во пожар. Немаше шанси за реаницмација, бидејќи им подлегнал на повредите кон болницата-изјавиja oд Кумановската болница.
Очевидци на настанот кажуваат дека околу 10.45 часот од стан на првиот кат, прво слушнале силна експлозија, а потоа почнало да лета стакло на сите страни, а испаднал целиот прозорец од кујната пред зградата.
Пожарникарите кажуваат дека во станот е опожарена дневната соба, а бил зафатен и мебелот.
Кога влеговме најдовме едно лице кое имаше тешки изгореници по телото, но даваше знаци на живот-вели еден од петте пожарникари што го гаснеа пожарот.
Полицијата изврши увид на лице место да ја утврди причината за несреќата.
