Од страв да не останат без работа, не пријавуваат мобинг

"Прва причина поради која работниците не се осмелуваат да поднесат жалба е стравот да не го изгубат работното место, а втора е неможноста за докажување во судската постапка, бидејќи Закон за мобинг се уште не е донесен. Има измени во Законот за работни односи, со кои лесно може да се докаже мобингот"- вели претседателот на здруженито Гордана Бошковска.

Таа додава дека од почетокот на годинава дваесетина граѓани пријавиле дека биле жртви на мобинг, а од нив најголем дел биле од државните и општински институции од другите градови во државата. Незначителна е бројката на лица кои се распрашувале за мобингот од приватните фирми.

Мобингот најчесто се врши со контроли,закани,омаловажувања и критики по различни основи, политичка, етничка, припадност, потекло  и брачен статус.Според Бошковска најчесто мобери се оние лица кои неквалитетно ги извршуваат работните задачи.