Одбележани 70 години од загинувањето на Панче Пешев
05.06.2014 09:54
| KumanovoNews
Претставници од Сојузот на борци Куманово, денеска положија цвеќе пред бистата на Панче Пешев во дворот на музичкото училиште, по повод 70 години од неговото загинување.
- Првоборецот загина во струмичко - радовишкиот регион на враќање од Грција и таму е погребан. Од истата бригада има и многу други загинати се до Лисец, кратовско, додека се движеле кон бугарска граница до Босилеград - рече Љубомир Спасовски, член на Сојуз на борци Куманово и првоборец.
Панче Пешев е роден во Велес во 1915 година, а детството и школувањето ги поминал во Куманово. Загинал на 5 јуни 1944 година во селото Кушкулија во борба со бугарските окупаторски војски. Бил композитор, музичар, уметник и учесник во НОБ.
